Një grua 62-vjeçare është gjetur pa shenja jete në shtëpinë e saj në Gurakoc të Istogut.
E ndjera dyshohet se ka rënë nga një lartësi prej 8 metrave.
Kështu ka bërë të ditur për teve1.info, zëdhënësi i Prokurorisë së Pejës, Shkodran Nikçi.
“Një person i gjinisë femërore është gjetur pa shenja jete nga familjarët e saj. Është njoftuar Policia fillimisht dhe Prokurori i Krimeve të Rënda. Me Urdhër të Prokurorit të Shtetit trupi i pajetë i viktimës është dërguar për autopsi në Institutin e Mjekësisë Ligjore”, ka thënë ai./teve1.info/
