Një grua dyshohet se ka bërë vetëvrasje me armë zjarrin në shtëpinë e saj në Prizren.
Rasti sipas Policisë së Kosovës ka ndodhur afër orës 07:00 të mëngjesit të së martës.
Shqir Bytyqi, zëdhënës i Policisë së Kosovës për rajonin e Prizrenit, ka thënë për teve1.info se policia ka dal në vendin e ngjarjes me të marrë informacionin, ndërsa vdekjen e 45-vjeçares e ka konstatuar ekipi mjekësor.
“Me date 18/06/2024 rreth orës 06:50 , policia ka pranuar një informata se dyshohet se një person kishte bërë vetëvrasje në shtëpinë e saj në Prizren. Patrulla policore i është përgjigjur menjëherë informatës, në vendngjarje ka dal edhe ekipi i urgjencës të cilët kane konfirmuar vdekjen e viktimës Q. B. Femër, rreth 45 vjeçare. Dyshohet që viktima aktin e ka kryere me armë- revole”, ka thënë Bytyqi.
Ai tha se Policia nën udhëheqjen e prokurorit janë duke bërë ekzaminimin e vendit të ngjarjes dhe mbledhjen e provave dhe dëshmive.
