Një ngjarje e rëndë është raportuar të mërkurën në fshatin Ratkoc të komunës së Rahovecit, ku një grua është dërguar pa shenja jete në Spitalin Rajonal të Gjakovës.
Sipas raportit 24-orësh të Policisë së Kosovës, rasti ka ndodhur rreth orës 10:30–11:00 të datës 10 dhjetor 2025. Mjeku kujdestar i spitalit ka konstatuar vdekjen e viktimës menjëherë pas pranimit.
Me urdhër të prokurorit, trupi i pajetë është dërguar në Institutin e Mjekësisë Ligjore për obduksion, në mënyrë që të përcaktohen rrethanat dhe shkaqet e vdekjes.
Policia njofton se rasti është hapur si “Hetim i vdekjes” dhe po vazhdojnë procedurat hetimore për zbardhjen e plotë të tij.
Autoritetet nuk kanë dhënë ende detaje shtesë në lidhje me identitetin e viktimës apo dyshimet e para rreth ngjarjes.
