I vidhet vetura në Gjakovë, rasti po hetohet nga Policia
Policia e Kosovës ka njoftuar për një rast të vjedhjes së rëndë, i cili ka ndodhur të martën pas mesnate në fshatin Bec në Gjakovë.
Përmes raportit 24-orësh, Policia ka bërë të ditur se një personit i është vjedhur vetura e tij në oborrin e shtëpisë.
“Fsh. Bec, Gjakovë 07.02.2023 – 01:30. Ankuesi mashkull kosovar ka informuar se persona të pa njohur nga oborri i shtëpisë i kanë vjedhur veturën e tij”, thuhet në raport.
Sipas PK-së, rasti është duke u hetuar. /Teve1.info/
