Një rast i dyshuar rrëmbimi është raportuar se ka ndodhur në rrugën “Pajazit Islami” në Fushë Kosovë mbrëmë pas mesnatës.
Policia ka bërë të ditur se sipas informatave të para një vajzë e mitur është futur me forcë në një veturë nga disa persona e cila pas një ore është liruar.
Në këtë rast nëna e vajzës ka pësuar lëndime gjatë tentimit për të mbrojtur vajzën e saj.
“Rreth orës 00:45, policia ka pranuar informatën për një rast të dyshuar rrëmbimi, të ndodhur në rrugën “Pajazit Islami” në Fushë Kosovë. Sipas informatave fillestare, një vajzë e mitur është futur me forcë në një veturë nga persona të dyshuar dhe pas rreth një ore është liruar. Përgjatë incidentit në tentativë për të parandaluar rastin është lënduar lehtë edhe nëna e viktimës. Të dyja kanë pranuar tretmanin e nevojshëm mjekësor në QKUK.Hetuesit policor kanë identifikuar së paku një veturë që është shfrytëzuar nga të dyshuarit, ndërsa me rekomandimin e prokurorit të shtetit ka iniciuar një hetim në drejtim të veprave penale “Rrëmbimi” si dhe “Lëndim i lehtë trupor”, thuhet nga Policia.
Policia ka bërë të ditur se po vazhdon intensivisht punën për ndriçimin e plotë të ngjarjes dhe inkurajon qytetarët që kanë informacione që posedojnë ndonjë informacion
të dobishëm të kontaktojnë policinë përmes numrit falas 192 ose përmes aplikacionit Lajmëro Policinë.
