Një e mitur dyshohet se është dhunuar seksualisht për rreth një vit nga i dyshuari me inicialet J.G., në Prishtinë.
Lajmin për tëvë1.info e ka konfirmuar, zëdhënësja e Prokurorisë Themelore në Prishtinë, Kaltrina Shala.
Shala ka thënë se hetimet kanë nisur nga prokuroria për dyshimin se është abuzuar seksualisht disa herë me viktimën.
“Prokurori kujdestar, për shkak të dyshimit të bazuar se ka kryer veprën penale ‘Dhunimi’, kundër të pandehurit J.G., ka filluar hetimin pasi që viktima e mitur R.G., është abuzuar seksualisht nga i pandehuri J.G., i cili kishte dhunuar disa herë për periudhë kohore rreth një viti”, ka thënë Shala.
Ajo tutje ka thënë se prokurori i çështjes kundër të pandehurit ka parashtruar kërkesën për caktimin e masës së paraburgimit.
Kurse e mitura është dërguar për ekzaminim gjinekologjik./teve1.info/
