Një grua ka pësuar lëndime trupore pasi është vetaksidentuar dhe ka rënë në liqen tek vendi i quajtur penda e Livoçit, raporton teve1.info
Lajmin për teve1 e ka konfirmuar zëdhënësi i Policisë për Rajonin e Gjilanit, Valon Osmani, i cilit ha se vetura e aksidentuar është tërhequr nga zjarrfikësit.
“Sot rreth orës 05:50 ka ndodhur një vetëaksident në aksin rrugor Gjilan-Prishtinë, më konkretisht te penda e Livoçit të Epërm, ku një shofere e cila nuk ka përshtatur shpejtësinë e kushteve të rrugës, doli jashtë saj. Nga hetimet e para dyshohet se ngasësi i automjetit me targa vendore (femër kosovare) duke mos përshtatur shpejtësinë kushteve të rrugës në kthesë, del jashtë rrugës, godet një automjet tjetër i cili ishte i parkuar dhe përfundon në ujin e pendës. Në këtë rast përpos dëmeve materiale në dy automjetet, lëndime trupore pëson vozitësja e lartcekur e cila pas trajtimit në qendrën emergjente është liruar për në shtëpi”, tha Osmani.
“Rrethanat e aksidentit po hetohen nga polic hetues të aksidenteve të komunikacionit rrugor”, tha ai.
