Ministria e Shëndetësisë e ka të gatshëm një draft të projektligjit për Sigurime Shëndetësore. Ky draft, i përfshinë të gjithë qytetarët e Republikës së Kosovës, megjithatë zjarrfikësit e Sindikata e Policëve e mirëpresin edhe këtë formë të sigurimeve, pa u specifikuar si kategori.
Një projektligj për sigurimet shëndetësore është përgatitur për të gjithë qytetarët e Republikës së Kosovës.
Këto sigurime ndahen në sigurime shëndetësore të obligueshme, të cilat janë e drejtë dhe detyrim për gjithë banorët e vendit.
Dhe në sigurime shëndetësore plotësuese, që mund të ofrohet nga Fondi i Sigurimeve Shëndetësore, institucionet private jofitimprurëse dhe nga kompanitë komerciale të sigurimit.
Ky fond financohet me 3.5% të pagës bruto nga punëdhënësi për secilin punonjës dhe 3.5% të pagës bruto nga vet punonjës.
Aty janë të specifikuara edhe shërbimet që mbulohen dhe që nuk mbulohen nga Fondi.
Mirëpo në projektligj nuk janë të specifikuar, kategoritë e punonjësve publikë.
“Është tepër i rëndësishëm nëse është ajo çfarë neve na përfshinë si zjarrfikës, dhe institucionet që duhet të përfshihen në të, pasi që i ka munguar për vite me radhë, pasi që ne nuk kemi as sigurim shëndetëësor e as jetësor, pavarësisht rrezikut permanent që është në punë tonë. Sigurisht se do e shohim përmbajtjen, pasi nuk jemi konsultuar paraprakisht nga askush.”, tha komnandati i Zjarrëfikësve, Malë Gashi.
Megjithëse jo të specifikuar, edhe Sindikata e Policisë e mirëpret çfarëdo lloji të sigurimit shëndetësor.
“Jemi pas gjithë këtyre viteve pas luftës, gati dy dekada e gjysmë pa sigurim shëndetësor në sektorin publik, sidomos për policinë. Ne kemi ngrit zërin çdo herë që të bëhet sigurimi shëndetësor dhe jetësor, pasi jemi policia e vetme në botë pa sigurim shëndetëor dhe jetësor. Ky është i mirëpritur për gjithë, dhe pse varet se çfarë përmban ky ligj.”, tha kryetari i Sindikatës së Policisë, Imer Zeqiri.
Ky projektligj përcaktohen edhe dënimet me gjobë për kundërvajtje për personat juridikë, që variojnë nga 500 deri në 15 mijë euro.
Fondi i Sigurimeve, drejtohet nga Bordi Drejtues, i cili në përbërje ka ministra e përfaqësues të institucioneve e kategorive shëndetësore.
