Gjatë ditës së sotme qytetarët në Bujanoc kanë parë grafite ku shkruhej “vdekje shqiptarëve”. Kështu ka bërë të ditur kryetari i Këshilit Kombëtar Shqiptar, Nevzad Luftiu.
Lutfiu përmes një postimi në Facebook, ka thënë se këtë veprim qytetarët e kanë parë në oborrin e Shtëpisë së Shëndetit në Bujanoc.
Ai ka ftuar organet e rendit që të zbulohet autori dhe të merren masat për këtë veprim.
“Në oborrin e Shtëpisë së shëndetit në Bujanoc gjatë ditës së sotme, qytetarët e kanë parë këtë grafit “vdekje shqiptarëve”. Ftoj organet e rendit që ta zbulojnë autorin dhe të merren masat“, ka shkruar Lutfiu.
Ndryshe, dje është protestuar në Bujanoc kundër diskriminimit të shqiptarëve nga Beogradi. Para protestuesve ka folur edhe kryetari i Këshillit Kombëtar Shqiptar, Nevzad Lutfiu i cili ka thënë se në Serbi janë 24 komunitete por, sipas tij asnjëri nuk i ka problemet e sfidat që i ka komuniteti shqiptar.
