Presidenti ukrainas, Volodymyr Zelenskyy u largua nga kryeqyteti, Kiev, për udhëtimin e tij të parë të raportuar që nga fillimi i luftës gati gjashtë javë më parë për të parë vetë atë që ai e quajti “gjenocid” dhe “krime lufte” në Bucha. Ai tha se njerëzit e vdekur ishin “gjetur në bodrume, të mbytur, të torturuar”.
Trupi i pajetë i një burri shtrihet në një shteg dheu në Bucha, Ukrainë.
Ruslan Mishanin, i jep lamtumirën vajzës së tij nëntë vjeçare ndërsa treni niset me familjen për në Poloni, në stacionin e trenit në Odesa.
Gruaja e ushtarit 44-vjeçar, Tereshko Volodymyr, gjatë ceremonisë së varrimit të tij, pasi ai vdiq në aksion, në Kishën e Apostujve të Shenjtë Pjetër dhe Pal, në Lviv, në Ukrainën perëndimore.
Mbeturinat mbulojnë pjesën e brendshme të teatrit të Mariupolit të dëmtuar gjatë luftimeve në Mariupol, në territorin nën qeverinë e Republikës Popullore të Donetskut, në Ukrainën lindore.
Në oborrin e shtëpisë së tyre, Vlad Tanyuk, 6 vjeç, qëndron pranë varrit të nënës së tij Ira Tanyuk, e cila vdiq nga uria dhe stresi për shkak të luftës, në periferi të Kievit, Ukrainë.
Një fqinj ngushëllon Natalya-n, burri dhe nipi i së cilës u vranë nga forcat ruse, ndërsa ajo qan në kopshtin e saj në Bucha, Ukrainë.
Një ushtarak ukrainas kalon pranë aeroplanit Antonov An-225 të shkatërruar gjatë luftimeve midis forcave ruse dhe ukrainase, në aeroportin Antonov në Hostomel, në periferi të Kievit, Ukrainë.
Një civil i vdekur me duart e lidhura pas shpine shtrihet në tokë në Bucha afër Kievit, Ukrainë.
Ira Gavriluk, mban macen e saj teksa ecën mes trupave të burrit, vëllait dhe një burri tjetër, të cilët u vranë jashtë shtëpisë së saj në Bucha, në periferi të Kievit, Ukrainë, raporton AP, përcjell teve1.info
