Anëtarët e Komisionit për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë Kundër Korrupsionit, kryesuar nga kryetari Adnan Rrustemi, pritën në takim anëtarët e Komisionit për Legjislacion të Parlamentit të Danimarkës.
Bëhet e ditur se në këtë takim u diskutua për marrëveshjen e cila mundëson transferimin e një numri të caktuar të të burgosurve nga Danimarka në Kosovë.
Kurse kryetari i Komisionit për Legjislacion Adnan Rrustemi, shprehu mirënjohje për mbështetjen e vazhdueshme të Danimarkës për Kosovën.
“Rrustemi tha se marrëveshjen për transferimin e të burgosurve e sheh si thellim të marrëdhënieve strategjike ndëmjet Kosovës dhe Danimarkës.Po ashtu, ai tha se me këtë marrëveshje Danimarka e ka vlerësuar Kosovën ndër vendet që më së shumti i respekton të drejtat e të burgosurve”, thuhet në njoftim.
Teksa lidhur me këtë marrëveshje u shprehen edhe anëtarët tjerë të këtij komisioni, të cilët kryesisht ngritën dilema se mos po shkilen të drejtat e të burgosurve.
Ndërkaq, kryetari i Komisionit për Legjislacion të shtetit danez, Steffen Larsen, falënderoi anëtarët e Komisonit për Legjislacion për pritjen dhe për qëndrimet e tyre lidhur me këtë marrëveshje.
Gjatë diskutimeve, anëtarët e Komisionit për Legjislacion të shetetit danez shprehen qëndrime të ndryshme për këtë marrëveshje./teve1.info./
