Policia ka arrestuar një person, pasi i njëjti dyshohet se ka therur me thikë bashkëshorten e tij dhe më pas edhe veten.
Rasti ka ndodhur në Sllatinë të Vushtrrisë të shtunën rreth orës 10:00.
“Sllatinë, Vushtrri 22.04.2023 – 10:00-11:05. Është arrestuar i dyshuari mashkull kosovar për shkak se me thikë e kishte sulmuar bashkëshorten e tij, viktimën femër kosovare dhe më pas edhe veten. Viktima dhe i dyshuari ndihmën e parë fillimisht e kanë marr në emergjencën e Vushtrrisë pastaj janë dërguar edhe në QKUK. Njësiti policor në vendin e ngjarjes ka gjete dhe sekuestruar një thikë e cila dyshohet se ishte përdor në rast”, thuhet në njoftimin e PK-së.
I dyshuari me vendim të prokurorit, pas tretmanit mjekësor është dërguar në mbajtje.
