Një person është arrestuar nga Policia e Kosovës, pasi që i njëjti dyshohet se të shtunën mbrëma ka tentuar ta vrasë një burrë në Fushë-Kosovë.
Fillimisht, i dyshuari vetë nën ndikimin e narkotikëve kishte joshur viktimën që të konsumojë substanca narkotike, por ai ka refuzuar me ç’rast i arrestuari e ka nxitur pastaj të kryejnë marrëdhënie seksuale pa dëshirën e tij.
Viktima ka refuzuar që të kryejë edhe marrëdhënie seksuale, ku pastaj policia thotë se i dyshuari me një thikë kuzhine e ka goditur viktimën në kokë, ku edhe i ka shkaktuar lëndime trupore.
Ndërkohë, viktima është dërguar në QKUK për tretman mjekësor.
Në raportin ditor është bërë e ditur se i dyshuari me vendim të prokurorit është dërguar në mbajtje.
“Është arrestuar i dyshuari mashkull kosovar, pasi që i njëjti nën ndikim të substancave narkotike, fillimisht e kishte joshur viktimën mashkull kosovar, që të konsumoj substancë narkotike, e pasi viktima kishte refuzuar të konsumoj , i dyshuari e kishte joshur (cytur) që të kryejnë marrëdhënie seksuale kundër dëshirës së tij, dhe pasi edhe kësaj here viktima kishte refuzuar, i dyshuari me një thikë kuzhine, e kishte goditur viktimën në kokë , me ç’rast i shkakton lëndime trupore”, thuhet në njoftim./teve1.info/
