Policia ka bërë të ditur se dyshohet për një ari të vrarë në Brezovicë, më saktësisht në rrugën që çon për te qendra e skijimit.
Rasti është cilësuar si “Gjueti e paligjshme” dhe po hetohet, ka bërë të ditur për teve1.info Kanun Veseli, zëdhënës i policisë për rajonin e Ferizajit.
Teksa për ngjarjen janë njoftuar edhe zyrtarët e Parkut Kombëtar “Sharri”.
“Sot, rreth orës 07:50 policia e stacionit në Shtërpcë ka pranuar një informacion se në Brezovicë, rruga që qonë tek qendra e skijimit, dyshohet se persona të panjohur kanë vrarë një kafshë të egër (ari). Policia e rendit e më pas policët hetues i kanë marrë të masat e nevojshme kanë dalë në vendin e ngjarjes dhe po e hetojnë rastin. Ndërsa me vendim të prokurorit kujdestar nga Prokuroria Themelore në Ferizaj, rasti është cilësuar ” Gjueti e paligjshme” . Ndërsa janë njoftuar edhe zyrtarët e Parkut Kombëtar “Sharri””, ka thënë Veseli.
