Brenda kësaj klinike, po qëndron 6 vjeçarja e cila, mbrëmjen e së premtes u godit nga një veturë.
Gjendja e të miturës është stabile e jashtë klinikës, po presin prindërit e saj.
Babai i saj, Përparim Halili tregon se si ndodhi ngjarje.
Ky thotë që bashkë me vajzën ishte pak minuta para se të ndodhte aksidenti.
Sipas tij, vajza ka ikur nga ai, derisa vet ishte duke bërë blerje.
Halili thotë se vajzën e ka kërkuar tërë natën, mirëpo nuk ka mundur të gjejë.
E pak metra larg kësaj rruge, gjendej nëna e saj, e cila ishte duke shitur lajthia me dy vajzat e tjera, siç bën çdo ditë.
Sylvije Gashi rrëfen momentin kur e kishte kuptuar se fëmija i saj është goditur nga vetura.
6 vjeçarja fillimisht është pranuar në Emergjencën e Qendrës Klinike Universitare të Kosovës. Pas kontrolleve mjekësore, është dërguar në Klinikën Intensive, teksa mëngjesin e së shtunës, ajo është bartur në Klinikën e Kirurgjisë.
Tëvë1 ka kërkuar përgjigje edhe nga mjekët e këtyre klinikave për gjendjen e saj, mirëpo të njëjtit nuk kanë pranuar të flasin, me arsyetimin se nuk kanë qenë kujdestar.
Në anën tjetër, lidhur me rrethanat e këtij aksidenti kanë nisur hetim edhe Policia e Kosovës.
Kronika e realizuar nga gazetarja Fetije Kamberi.
