Një 22-vjeçar është vetaksidentuar dje në rrugën “Kral Petri”, saktësisht te ura e hekurt në Zveçan.
Policia thotë se deri te vetaksidenti ka ndodhur kur Z.V., ka humbur kontrollin mbi automjetin me targa të huaja dhe është rrokullisur, shkak pakujdesia dhe mospërshtatja e shpejtësisë.
Si pasojë e aksidentit, ura ka qenë e bllokuar për një periudhë kohore, duke pamundësuar qarkullimin e automjeteve. Pas ndërhyrjes së autoriteteve përkatëse, ura është liruar dhe qarkullimi është rikthyer në normalitet.
“Drejtoria Rajonale e Policisë Mitrovicë Veri u bën thirrje të gjithë pjesëmarrësve në trafik që të respektojnë kufijtë e shpejtësisë dhe rregullat e komunikacionit rrugor. Çdo pakujdesi në vozitje mund të rrezikojë jetën tuaj dhe të të tjerëve. Siguria në rrugë është përgjegjësi e përbashkët”, thuhet në njoftim.
