Një 16-vjeçar që është kapur me armë zjarri në rrugën “Ahmet Kaçiku” në Ferizaj.
Njësitet patrulluese të Policisë së Kosovës e kanë legjitimuar të dyshuarin R.I, e gjatë kontrollit i është gjetur revolja që ka rezultuar jofunksionale.
Në njoftim është bërë e ditur se ai është shoqëruar në stacionin policor.
“I dyshuari është shoqëruar në stacionin policor për procedura të mëtejshme, ndërsa arma e mbajtur pa leje është sekuestruar. Pas përfundimit të intervistës, rasti është referuar tek prokurori i shtetit, i cili ka iniciuar procedurën ligjore me dyshimin për veprën penale ‘Mbajtja në pronësi, kontroll ose posedim të paautorizuar të armëve’. Me vendim të prokurorit, i dyshuari është liruar në procedurë të rregullt”, thuhet në njoftimin policor./teve1.info/
