Nitaj ka shtuar se ky Fond nuk duhet të konsiderohet si lëmoshë.
“Unë absolutisht nuk pajtohem me ju me asnjë germë kur e cilësoni Fondin për Mbrojtje të Kosovës si lëmoshë. Nuk është fare çështje e lëmoshës, është çështja që t’u jepet mundësia njerëzve që e duan këtë vend, që e duan ushtrinë e tyre, që ta financojnë me aq sa kanë mundësi dhe nuk besoj që kjo mund të krahasohet me lëmoshë”, tha Nitaj.
Ai shtoi se Qeveria e Kosovës ka bërë mirë për themelimin e këtij Fondi, por që sipas tij ky vendim duhet të formalizohet me ligj të posaçëm.
“Kosova nuk ka mundësi buxhetore që të krijojë fondin për ushtrinë e Kosovës në nivelin çfarë i përgjigjet situatës aktuale. Prandaj një rrugëzgjidhje shumë e mirë është dhe besoj se ka bërë shumë mirë Qeveria e Kosovës, por që duhet të formalizohet me ligj të posaçëm”, shtoi Nitaj. /Teve1.info/
