Nisma Socialdemokrate do të garojë e vetme në zgjedhjet e reja parlamentare që do të mbahen më 28 dhjetor.
Kjo është bërë e ditur në njoftimin që ka duruar KQZ-së, më pak se 30 minuta para përfundimit të afatit për aplikim të partive politike për pjesëmarrje në zgjedhje, ku sot ishte dita e fundit edhe për koalicionet.
Nisma ishte përfolur për një koalicion me LDK-në, por që bisedimet kishin dështuar.
Në zgjedhjet e shkurtit të këtij viti, Nisma ishte në koalicion me AAK-në, ku së bashku kishin fituar 7 ulëse në Kuvendin e Kosovës, tre nga ta të Nismës.
Sipas KQZ-së, deri më tani kanë aplikuar 23 subjekte politike, ku tri prej tyre janë koalicione.
Ndërsa, janë edhe dy iniciativa qytetar dhe një kandidat i pavarur.
Njoftimi i plotë i KQZ-së
Deri më tani (e diel, 30 nëntor 2025, ora 23:30) 23 subjekte politike, prej të cilave: 3 koalicione, 17 parti politike, 2 iniciativa qytetare dhe 1 kandidat i pavarur – kanë plotësuar online formularin e certikimit për pjesëmarrje në zgjedhjet e parakohshme për Kuvendin e Kosovës, i cili është i ngjashëm me formularin e proceseve të kaluara zgjedhore.
SUBJEKTET POLITIKE APLIKUESE
Koalicionet:
1. Koalicioni “PAI – PDAK – LPB”, i përbërë nga 3 parti politike: Partia e Ashkalinjëve për Integrim (PAI), Partia Demokratike e Ashkanlive të Kosovës (PDAK) dhe Lëvizja për Bashkëveprim (LPB)”;
2. Koalicioni “Koalicija VAKAT”, i përbërë nga 3 parti politike: Demokratska Stranka Bošnjaka (DSB), Bošnjačka Stranka Kosova (BSK) dhe Demokratska Stranka Vatan (DSV); dhe
3. Koalicioni “Lëvizja VETËVENDOSJE!”, i përbërë nga 4 partitë politike: Lëvizja VETËVENDOSJE!, GUXO, Alternativa dhe Partia Shqiptare Demokristiane (PSHDK).
Partitë politike:
4. LIDHJA DEMOKRATIKE E KOSOVËS – LDK;
5. PARTIA DEMOKRATIKE E KOSOVËS – PDK:
6. Kosovaki Nevi Romani Partia;
7. JEDINSTVENA GORANSKA PARTIJA;
8. Za Slobodu Pravdu i Opstanak;
9. KOSOVA DEMOKRATIK TÜRK PARTISI;
10. PARTIA LIBERALE EGJIPTIANE;
11. PARTIA ROME E BASHKUAR E KOSOVËS;
12. SOCIALDEMOKRATSKA UNIJA – SDU;
13. SRPSKA LISTA;
14. INICIATIVA E RE DEMOKRATIKE E KOSOVËS;
15. FJALA;
16. NOVA DEMOKRATSKA STRANKA – NDS;
17. LËVIZJA PËRPARIMTARE E ROMËVE TË KOSOVËS (LPRK);
18. ALEANCA PËR ARDHMËRINË E KOSOVËS (AAK);
19. KOSOVSKI SAVEZ; dhe
20. NISMA SOCIALDEMOKRATE.
Iniciativat qytetare:
21. PËR SOCIALDEMOKRATËT E ASHKALINJËVE; dhe
22. INICIATIVA QYTETARE PËR KOSOVË.
Kandidatët e pavarur:
23. NEDŹMIDIN SEJDILAR;
Informacione shtesë:
Deri më 7 dhjetor 2025, subjektet politike (partitë politike, koalicionet, nismat qytetareve dhe kandidatët e pavarur) që aplikojnë për certifikim, duhet të dorëzojnë përmes platformës listën e tyre me emrat e kandidatëve për deputetë të zgjedhjeve të parakohshme për Kuvendin e Kosovës.
