Në sallën e sporteve “Adem Jashari” në Klinë kanë nisur homazhet për tetë persona të zhdukur gjatë luftës, trupat e të cilëve janë identifikuar dhe do të rivarrosen sot.
Në këtë ceremoni po marrin pjesë familjarë dhe qytetarë të shumtë.
Në orën 13:00 do të mbahet Aakademia Përkujtimore, po ashtu në Sallën e Sporteve në këtë qytet.
Ndërsa nga ora 14:30, siç është bërë e ditur, do të mbahet ceremonia e rivarrimit në Kompleksin Memorial “Kodra e Kuqe” në Grabanicë të viktimave Adem Gashi, Sahit Gashi, Bekim Hasani, Sheremet Ismajli, Osman Fejza, Shkelzen Hajdaraj e Bekim Gashi.
Ndërkohë, nga ora 16:30 në varrezat në Jashanicë të Klinës do të bëhet ceremonia e rivarrimit të Mentor Myrtajt.
Ceremoni rivarrimi do të ketë edhe në Malishevë. Aty do të bëhet rivarrimi i viktimës së luftës Vehbi Halilaj.
