Vizitat janë shtuar.
E paragjykimet po zbehen.
Andaj numri i qytetarëve që po kërkojnë ndihmë profesionale për shëndetin mendor është në rritje.
“Ka fillu procesi po fatkeqësisht jemi në hapat e parë, pra kemi një rrugë të gjatë për të bërë në këtë drejtim. Ka disa zhvillime pozitive, nevojitet edhe një organizim më i madh brenda llojit, pra brenda profesionistëve të shëndetit mendor”, ka thënë psikiatri Agani.
Megjithatë, psikatatri Agani thotë se duhet të debatohet më shumë në familje në shoqëri.
Kjo pasi që sipas tij është e nevojshme që qytetarët të sqarohen për problemet brenda familjes.
“Në vendin tonë është duke u zhvilluar një proces i një inxhinieringu kulturor i cili ka pasoja dramatike, në radhë të parë tek të rinjtë dhe të rinjtë pastaj kanë probleme serioze psikologjike identitare për të mund të kontrollojnë pulsacionet agesive të cilat zhvillohen brenda tyre”, ka thënë ai.
E një ndër faktorët kyq të sjelljes agresive po konsiderohet se është edhe mënyra e rritjes nga ana e prindërve.
“Stili i prindërimit e forcon atë si individ që në të ardhmen apo në rritje e sipër si individ kur bëhet i fuqishëm një fëmijë ai e përforcon këtë sjellje të pahijshme dhe sjellja e tij ka me reflektu në shfaqjen e një agresiviteti të pakontrolluar nga vetja e tij që kjo jep rezultate të pakëndshme ndaj viktimës që është përballë tij”, thotë Hazir Elshani, psikolog klinik.
Prandaj sipas Elshanit, prindërit duhet t’i kushtojnë më shumë kujdes rritjes së fëmijëve në mënyrë që ata të mos fitojnë trauma për të cilat më vonë reflektohen në sjellje agresive.
