Ka nisur takimi i liderëve rajonal në Samitin e Krerëve të Shteteve në Procesin e Brdo-Brijuni, i cili po mbahet në Shkup të Maqedonisë së Veriut, raporton teve1.info
Në sesionin e përbashkët me liderë të rajonit, presidentja e Kosovës, Vjosa Osmani, do ta mbajë fjalim, ndërkaq më pas do të zhvillojë takime bilaterale me krerët e disa shteteve pjesëmarrëse.
Presidenca e Kosovës ka bërë të ditur se temat qendrore të takimit të sivjetmë janë përshpejtimi i procesit të anëtarësimit në BE, luftimi dhe zvogëlimi i pasojave nga ndryshimet klimatike në rajon, si dhe krijimi i kushteve për qëndrimin e të rinjve në Ballkanin Perëndimor.
Takimi i Brdo-Brijuni është ngjarje vjetore multilaterale në të cilën takohen presidentët e gjashtë shteteve të Ballkanit Perëndimor si dhe të Sllovenisë dhe Kroacisë, e ku fokusi kryesor është në procesin e zgjerimit të Bashkimit Evropian dhe anëtarësimin e rajonit në BE./teve1.info/
