Në Gjykatën Themelore në Prishtinë ka nisur shqyrtimi kryesor ndaj të akuzuarve për vrasjen e Liridona Ademajt.
Të akuzuar në këtë rast janë bashkëshorti i të ndjerës, Naim Murseli, Granit Plava dhe Kushtrim Kokalla.
Naim Murseli e Kushtrim Kokalla kanë mohuar fajësinë, kurse Granit Plava është mbrojtur në heshtje, raporton Tëvë1.
Murseli tha se nëse vërtetohet fajësia e tij, ai do të kërkojë të dënohet me burgim të përjetshëm
“Nëse vërtetohen pretendimet e Prokurorisë ndaj meje, unë vetë do të kërkoj burgim të përjetshëm”, tha Murseli.
Në seancën gjyqësore po marrin pjesë edhe familja e Liridonës.
Më 15 janar të këtij viti ishte ngritur aktakuza ndaj të pandehurve për këtë rast.
Liridona Ademaj ishte vrarë në nëntor të vitit 2023 në Prishtinë.
