Ka nisur procesi gjyqësor ndaj ish-presidentit të Kosovës, Hashim Thaçi, dhe tre bashkëpunëtorëve të tij të kohës së luftës së fundit në Kosovës, Kadri Veseli, Jakup Krasniqi dhe Rexhep Selimi.
Në këtë seancë avokatët mbrojtës të Hashim Thaçit, Kadri Veselit, Jakup Krasniqit dhe Rexhep Selimit, në pika të shkurtra, do të paraqesin mbrojtjen e tyre kundër akuzave të Zyrës së Prokurorit të Specializuar.
Gjykata Speciale ka njoftuar se 140 persona janë pranuar si viktima pjesëmarrëse në procesin gjyqësor.
Seanca e parë e gjykimit është mbajtur dje, më 3 prill, të cilët janë gjykuar për akuzat që lidhen me krime lufte dhe krime kundër njerëzimit.
Katër ish-krerët e UÇK-së, dyshohen për vrasje të serbëve, romëve dhe kundërshtarëve të tjerë gjatë luftës së vitit 1998/9 në Kosovë.
Aktakuza ndaj ish-krerëve të UÇK-së, lidhur me pretendimin për krime lufte, është konfirmuar më 26 tetor 2020. Në paraqitjet e tyre të para në Dhomat e Specializuara në Hagë ata janë deklaruar të pafajshëm.
Ata po qëndrojnë në paraburgim në Hagë prej nëntorit të vitit 2020. /teve1.info/
