Ka nisur seanca e Kuvendit ku po diskutohet për të vetmen pikë të rendit të ditës që është shqyrtimi i parë i Projektligjit për Buxhetin e Kosovës për vitin 2025.
Seanca plenare ka nisur me një minutë heshtje për zyrtarin e FSK-së që vdiq të shtunën, Liman Musliu.
Ndryshe, sot deputetët po shqyrtojnë projektligjin për ndarjet buxhetore për vitit 2025, të propozuar e miratuar nga Qeveria në vlerë prej 3.6 miliardë eurove.
Gjatë miratimit në Qeveri, kryeministri Albin Kurti kishte deklaruar se me këtë rast po shënohet një rekord historik, si “Qeveria e parë që miraton 4 buxhete vjetore”.
Partitë opozitare, LDK, PDK dhe AAK janë deklaruar se nuk do ta votojnë buxhetin e Kosovës.
Por, nga partia në pushtet, Lëvizja Vetëvendosje kanë thënë se e kanë shumicën parlamentare për ta votuar buxhetin e Republikës për vitin e ardhshëm.
