Pallatit të Drejtësisë, përpos Gjykatës Komerciale, po planifikohet t’i shtohet edhe një gjykatë tjetër.
Kështu Ministria e Drejtësisë ka nisur punën për krijimin e Gjykatës së Punës dhe Administrative.
18 persona janë angazhuar për të hartuar koncept dokumentin, të cilët takimet do t’i fillojnë në javën e tretë të prillit.
“Ministria e Drejtësisë ka mbledhur informacione të ndryshme dhe të detajuara lidhur me lëndët administrative, duke përfshirë këtu numrin e lëndëve të pazgjidhura që do shërbejnë si indikator i rëndësishëm gjatë hartimit të Koncept Dokumentit për Gjykatën Administrative dhe të Punës”, thuhet në përgjigjen e MD-së.
Me 6 mijë e 347 lëndë e kanë filluar Gjykatat Themelore në vend vitin 2021, derisa sipas Këshillit Gjyqësor, prej të cilave janë zgjidhur vetëm 2 mijë e 951 lëndë.
Jashtë grupit punues kanë mbetur sindikata e Sektorit Privat.
Por pavarësisht kësaj ata e mirëpresin këtë iniciativë.
Sipas vendimit për krijimin e grupit punues, ata kanë afat ta dorëzojnë koncept dokumentin deri në dhjetor të këtij viti.
Kronika e realizuar nga gazetarja Florijeta Dernjani.
