Ka filluar “Marshi për Drejtësi” në mbështetje të ish-krerëve të UÇK-së të cilët po mbahen në Hagë.
Mijëra qytetarë janë mbledhur shesheve të Prishtinës dhe kanë marshuar nga sheshi “Zahir Pajaziti” në Prishtinë drejt sheshit “Skënderbeu”.
“Drejtësi jo politikë”, “Liria ka emër”, “Marshojmë për Drejtësi”, “Historia nuk mund të rishkruhet”. janë disa nga parullat e shpalosura në këtë marsh.
Ndërsa po brohoritet për UÇK-në, Hashim Thaçin dhe të tjerët që po mbahen në Hagë e po ashtu është lëshuar muzikë patriotike.
Ky marsh vjen një ditë para se të fillojë gjykimi në Hagë i ish-komandantëve të Ushtrisë Çlirimtare të Kosovës.
