Në Gjykatën Themelore në Prishtinë ka nisur gjykimi ndaj të akuzuarve për përfshirje në sulmin terrorist të ndodhur më 24 shtator 2023 në Banjskë të Zveçanit, ku mbeti i vrarë rreshteri i Policisë së Kosovës, Afrim Bunjaku.
Të akuzuarit po përballen me një sërë veprash penale të rënda, përfshirë: terrorizëm, vrasje të rëndë, vepra kundër rendit kushtetues dhe sigurisë së Republikës së Kosovës, si dhe posedim të paautorizuar të armëve dhe eksplozivëve.
Të akuzuarit që janë duke u gjykuar janë Vlladimir Tolliq, Bllagoje Spasojeviq dhe Dushan Maksimoviq.
