Nis festa e 28 Nëntorit në Luginë, Ambasadori i Shqipërisë në Serbi, përgëzon preshevarët për ruajtjen dhe kultivimin e atdhedashurisë. Të ndjekim kronikën e përgatitur nga gazetarja jonë Fetije Kamberi.
Për festën e 28 nëntorit, në Komunën e Preshevës festa ka filluar nga e mërkura.
Për herë të parë, Ambasada e Shqipërisë në Serbi ka organizuar aktivitet për shqiptarët atje.
Ambasadori i Shqipërisë në Serbi, Bardhyl Canaj i ka përgëzuar preshevarët për ruajtjen dhe kultivimin e atdhedashurisë.
Ai premtoi se festat këtu nuk do të ndalen.
Festimin e nëntorit në këtë mënyrë e ka mirëpritur deputeti shqiptar në Parlamentin e Serbisë, Shaip Kamberi.
Ai ka bërë thirrje që gjatë ditës së nëserme të vendoset flamuri në secilën shtëpi shqiptare.
E këtë ngjarje, historike po e konsideron kryetari i Këshillit Kombëtar Shqiptar, Nevzad Lutfiu.
Edhe Lutfiu, të enjtën do të vendosë flamurin në institucionin që e drejton.
Të mërkurën, në Shtëpinë e Kulturës në Preshëve u organizua Koncerti i Grupit Artisitik të Preshevës dhe shfaqja e filmit “Koncert në vitin 1936” për preshevarët.
