Profesori, Artan Nimani ka vlerësuar se pjesëmarrja e Kosovës në Bordin e Paqes të themeluar nga presidenti amerikan Donald Trump, do të ketë efekt edhe në sigurimin e njohjeve të reja.
Ai këtë e ka thënë duke theksuar faktin se një pjesë e shteteve anëtare të këtij bordi nuk e njohin e Kosovën
“Në atë bord më shumë se gjysma e shteteve janë që nuk e kanë njohur pavarësinë Kosovës dhe ne nuk kemi pas as kontakte dhe kur janë afër presidenti Trump, sekretari i shtetit dhe janë në një tryezë, mendoj që do të ketë mpakte pozitive sa i përket edhe njohjeve dhe krijimit të raporteve të reja”, ka thënë ai në emisionin “InfoNata” në Tëvë1.
Ndërsa, njohësi i zhvillimeve politike Artan Alijaj ka thënë se konfirmimi i pjesëmarrjes së FSK-së në misionin e paqes në Gaza është një lajm shumë i mirë.
“Është superlajm për ne, edhe marrëdhëniet me Izraelin i kemi në një nivel të tillë, që besoj se nuk do ta kenë problem prezencën e FSK-së atje. Do të jetë një avantazh për ne”, tha Alijaj.
Ai ka komentuar edhe kërkesën e kryeministrit të Shqipërisë, Edi Rama ndaj Trump lidhur me Gjykatën Speciale.
Alijaj ka thënë se kërkesa e Ramës ishte e duhur, por ka vë në dyshim nëse Trump mund të ketë ndonjë ndikim.
