Artan Nimani nga Forumi intelektual E30 ka deklaruar se rikyçja e presidentes Osmani në ndalimin e ngërçit politik është një shenjë e mirë.
Sipas tij, fjala e presidentes ishte shpresëdhënëse pasi që iu rikujtoi deputetëve që nuk mund të luhet me fatin e qytetarëve dhe institucioneve.
“Konsideroj që ri kyçja e presidentes Osmani në ndalimin e ngërçit politik është një shenjë e mirë dhe ka fillua që të jep shenjat e para, duhet të vlerësohet takimi që kishte me liderët e partive politike parlamentare të cilët mendoj që kanë krijuar një momentum të ri dhe pas atij takimi me Osmanin edhe Kurti patë një qasje më relaksuese, por edhe dy partitë politike PDK-ja dhe LDK-ja si duket e ka marrë seriozisht konstituimi e institucioneve me kërkesat që u janë drejtuar Gjykatës Kushtetuese që të sqarohen edhe këto elementet shtesë që kanë mbet, fjala e presidentes veçanërisht sot në ceremoninë e inaugurimit të kadetëve të FSK-së ishte mjaft shpresëdhënëse për shkak se iu rikujtoj edhe deputetëve se nuk mund të luhet me fatin e qytetarëve dhe institucioneve”, ka deklaruar ai në emisionin “Ditari” në tëvë1.
Kurse për dërgimin e lëndës në Gjykatë nga partitë opozitare, Nimani thotë se Kushtetuesja duhet të vendos masë sigurie që të ndërpritet siç tha ai aktrimi i partive deri në një vendim sqarues.
“PDK dhe LDK i dërguan lëndën në Gjykatën Kushtetuese, ndoshta do të ishte një ide e mirë që Gjykata Kushtetuese të vendos masë sigurie, që të ndërpritet ky aktrim deri në një vendim sqarues, të pranueshëm prej forcave politike që të mos kemi çdo 48 orë seanca”, tha ai ndër të tjera./teve1.info/
