Sipas rezultateve të përditësuara nga Komisioni Qendror i Zgjedhjeve (KQZ), Lidhja Demokratike e Kosovës (LDK) me kandidatin e saj, Përparim Ramën, prin në garën për kryetar të Prishtinës me 34.81% të votave.
Në një garë shumë të ngushtë, LDK-së i afrohet Lëvizja Vetëvendosje (VV) me kandidatin Hajrulla Çeku, i cili ka siguruar deri tani 32.96% të votave.
Rezultatet janë paraprake dhe mund të ndryshojnë
Derisa janë numëruar vetëm 18,220 vota nga gjithsej, procesi i numërimit është ende në vazhdim, dhe rezultatet pritet të pësojnë ndryshime në orët në vijim.
Ekspertët parashikojnë mundësinë e një balotazhi mes LDK-së dhe VV-së, për shkak të diferencës së ngushtë në vota.
