Dezinformatat po cenojnë sigurinë e shteteve në Ballkanin Perëndimor.
E këto po vijnë nga Moska zyrtare nga të cilat po ndikohet drejtpërdrejt edhe Kosova.
Krejt kjo situatë po e sheh si të rrezikshme Bashkimi Evropian.
Në konferencën e organizuar nga drejtori i The Geopost, me temën “Dezinformatat në Ballkanin Perëndimor” u theksuan gjithë shqetësimet për përhapjen e informacione të pavërteta nga shteti rus.
“Shembull mund ta shihni listën e shtëpive mediatike ruse, dhe brenda individëve këtu mund ta shihni Maria Zkharova që është zëdhënëse e Ministrisë së Jashtme ruse dhe poshtë e shihni Margarita Simomyan shefen e RT Global dhe RT Ballkan është nën sanksione tashmë, siç e dini sigurisht ende është në dispozicion dhe e lirshme duke transmetuar nga Beogradi për rajonin dhe jo vetëm kaq për RT Ballkan, dhe një Tv kanal pra sanksionet nuk po respektohen që është çështje që ngjallë shqetësim”, tha Allen Musaefendic.
Shqetësuese shihen edhe deklaratat e liderëve politik por edhe debatet televizive.
Sipas Katarina Klingova nga organizata hulumtuese për dezinformata “GLOBSEC” nga Sllovakia, po dëmtohet edhe reputacioni i BE-së dhe NATO-së.
“Dezinformimi po përhapet nga liderët tanë politik nuk është dicka që mund ta ndjekin në ëebsite të ndryshme të dyshimta, apo në facebook, kanale të tëitter prapa dyerve të mbyllura , jo tani ato po paraqiten nga lidershipi ynë politk, ndezë televizionin, apo ndonjë debat politik në zgjedhje ose pas zgjedhjeve dhe aty gjeni narrativë polirazuese të cilat prezantohen nga hisedarë të ndryshëm, pastaj ka fushata ku dëshirojnë të njollosin, organizatatat jo qeveritare, gazetarët pastaj dezinformata ndaj aleatëve tanë apo institucionet e BE-së apo NATO-së”, tha ajo.
E organizatori i konferencës falënderoi pjesëmarrësit për këtë konferencë.
“Jam shumë i lumtur me i pasë shokët nga shumica e vendeve të botës, mirë se keni ardhë në Prishtinë dhe le të nisim këtë konferencë me folës profesionist por në fund, njerëz me vlera që kjo është mëse e rëndësishme”, tha Ceo-ja e Geopost, Gynen Venhari.
Panelistët ngritën shqetësimin se para zgjedhjeve dhe gjatë zgjedhjeve ka pas rritje të përhapjes së dezinformatave në vendin tonë.
