Gjatë ditës së djeshme janë vendosur shenjat e vendbanimeve në komunat veriore me emërtime në gjuhën shqipe.
Teksa të premten në mëngjes siç edhe shihet në fotografi të njëjtat janë fshirë me sprej.
Teve1.info ka kontaktuar zëvendësdrejtorin e Policisë për Rajonin e Veriut, Veton Elshani i cili tha se nuk është hapur rast sa i përket kësaj çështje për shkak se sipas tij, të njëjtat nuk janë dëmtuar por vetëm janë ngjyrosur me ngjyrë.
Sipas Elshanit, prej 40 tabelave informuese të vendosura gjatë ditës së djeshme 20 prej tyre janë ngjyrosur me ngjyrë/sprej.
Ndryshe, dje ministri i Mjedisit, Planifikimit Hapësinor dhe Infrastrukturës, Liburn Aliu, ka njoftuar se si Ministri kanë marrë përsipër që në gjithë territorin e Kosovës të hiqen të gjitha shenjat serbe të komunikacionit që janë të shënuara në çirilicë.
Aliu ka thënë se ato do të zëvendësohen me shenja zyrtare të vendbanimeve konform ligjeve të Kosovës./teve1.info./