Çdo sezon i ri shënon gjithashtu një qasje të re ndaj paletës së ngjyrave që dominon modën.
Vjeshta 2025 vjen plot me nuanca që balancojnë ngrohtësinë me intensitetin dinamik, duke nxjerrë në pah anën moderne të stilit.
Shihni më poshtë nuancat që përbëjnë paletën e ngjyrave të sezonit:
Tonet gri
Ngjyra gri u rikthye fuqishëm në pistat e vjeshtës 2025. Palltot e gjata, trikotazhet e buta dhe kompletet njëngjyrëshe nxorën në pah elegancën e saj të përjetshme, duke konfirmuar se një pamje totale gri mund të jetë po aq e guximshme sa edhe e sofistikuar.
Blu
Klasike, por jashtëzakonisht elegante, ngjyra blu, si në nuancat e saj të errëta ashtu edhe në ato më të çelëta, pasuron paletën e ngjyrave të vjeshtës me një ndjesi qetësie. Kombinohet në mënyrë të përkryer me ngjyra neutrale si kafe dhe gri, por mund të vishet lehtësisht edhe në pamje monokromatike. Mënyra më e lehtë për ta veshur? Me një xhins në një siluetë moderne.
E gjelbra
E gjelbra e ndezur bëri të ndihej prania e saj në sfliatat e vjeshtës. Kjo nuancë premton t’i shtojë energji dhe karakter pamjes suaj.
Kafe
Ngjyra kafe, në të gjitha nuancat e saj, vazhdon të jetë kryesore në trendet e muajve të fundit dhe mbetet popullore për vjeshtën e vitit 2025. Ajo shfaqet si një shoqëruese ideale për tonet e pasura të ngjyrave vjeshtore, ndërkohë që ofron një alternativë të sofistikuar ndaj të zezës klasike.
E kuqja
E kuqja e ndezur po rikthehet fuqishëm për sezonin e ri, duke ofruar një ndjesi ngrohtësie dhe vetëbesimi. Pavarësisht nëse e përdorni në një pamje totale apo e përfshini lehtësisht përmes një aksesori, ajo do t’i shtojë menjëherë karakter dhe intensitet çdo veshjeje vjeshtore.
