Hapi i fundit dhe vendimtar drejt nënshkrimit të kontratës së re për përfaqësuesin turk Kenan Yildiz me Juventusin është komplikuar më shumë nga sa pritej.
Sipas Gazzetta dello Sport, negociatat mes klubit torinez dhe futbollistit nuk kanë prodhuar një marrëveshje për zgjatjen e bashkëpunimit deri në vitin 2030.
Bisedimet janë futur në ngërç, ndërsa palët po shqyrtojnë hapat e mëtejshëm.
Mospajtimet kryesore lidhen me pagën e re të Yildiz, ndërsa disa detaje të tjera kontraktuale po rishikohen. Gazeta italiane thekson se rinovimi i kontratës së numrit 10 të Juventusit nuk ka qenë kurrë më i rrezikuar se tani.
Pas muajsh negociatash, takimesh dhe diskutimesh, CEO Damien Comolli dhe përfaqësuesit e organizatorit turk kanë vendosur të ndërpresin përkohësisht bisedimet.
