U nis për të shkuar në Prishtinë.
Mirëpo, rrugëtimi drejt kryeqytetit 21 vjeçares nga Mitrovica nuk shkoi siç duhet.
Me të hipur në autobus, ajo u ngacmua seksualisht një i dyshuar i moshës rreth 65 vjeçare.
Viktima ka treguar se i moshuari fillimisht përdori gjuhë seksiste ndaj saj, kurse më pas tentoi që të kishte edhe kontakt fizik me të.
Vëllau i mitrovicases Urall Boshnjaku e bëri publik rastin.
“Ajo e ka ftuar që të ulet pranë saj meqë nuk ka pasur tjera vende të lira për shkak të moshës. Ai menjëherë pasi që është ulur pranë motrës, plaku pasi është nisur autobusi ka filluar të lëshoj fjalë të pahijshme në drejtim të motrës, duke aluduar në marrëdhënie seksuale me pare. Motra, fillimisht nuk e ka kuptuar se çfarë po thotë plaku, por pastaj pasi që e ka kuptua për qa është fjala dhe pasi që plaku ka filluar edhe me ngacmim fizikë duke e prekur edhe në krahë, motra ka ngritur zërin dhe ka reaguar me zë të lartë duke u larguar nga ulësja që ka qenë”, ka shkruar ai në Facebook
Përkundër që motra e tij u ul në një ulëse tjetër, i moshuari nuk u ndal.
“Mirëpo, edhe pasi që është largua nga ulësja dhe është ulur diku tjetër, plaku ka vazhduar me ngacmim e llojit seksuale duke e shikuar me shikime të ulëta, dhe kur është ngritë nga vendi për të zbritur i ka lëshuar fjalë të tjera të natyrës seksuale motrës”, ka treguar Boshnjaku ngjarjen që i ndodhi të motrës.
Me rastin tashmë po merren organet e rendit.
“Policia më ka kontaktuar paraprakisht para se të shkojmë në stacion, ne kemi shkuar menjëherë në stacion për t’u merr me detajet e rastit dhe që policia të ketë mundësin të intervistojë motrën dhe është zhvilluar intervista dhe jemi pritur në mënyrë shumë profesionale nga Policia e Kosovës për çka edhe i jemi shumë falënderuese”, ka thënë ai.
Motra e tij, Boshnjaku tregon se është në gjendje të rëndë emocionale.
“Motra aktualisht është në gjendje më të qetë, dje ka qenë e traumatizuar nga rasti. Mirëpo, uroj që rastet e tilla të mos përsëritën asnjëherë në shoqërinë tonë dhe uroj që të gjitha vajzat dhe gratë të kenë mundësinë të mbrohen para tipave të tillë, të cilët janë më të ulët se sa kafshët”, tregon ai.
Identifikimi i të dyshuarit, Boshnjaku tregon se akoma nuk është bërë, përderisa rastin është duke e trajtuar edhe Prokuroria Themelore e Mitrovicës.
