Kështu ka bërë të ditur për Tëvë1 doktori Sefedin Fazliu.
Ai në një lidhje direkte ka thënë se ata kanë pas kryesisht lëndime në fytyrë, fazën e kraharorit.
“Pacientët kanë marrë trajtimin mjekësor këtu në shërbimin emergjent në Spitalin e Përgjithshëm të Ferizajt, lëndimet kryesisht kanë qenë plagë të në fytyrë, lëndim në ekstremitete, fazën e kraharorit.. Të gjithë pacientët janë liruar për trajtim shtëpiak”, ka thënë ai.
Fazilu ka thënë se në mesin e të lënduarve ka qenë edhe një 16-vjeçar, dy nga 25-30-vjeç dhe dy të tjerë mbi 40-vjeç.
Në këtë aksident që sipas Policisë së Kosovës ka ndodhur para orës 15:00, janë përfshirë dy automjete (furgon), ku njëri nga ta është kapluar nga zjarri.
Zëdhënësi i Policisë për rajonin e Ferizajt, Kanun Veseli ka thënë për teve1.infot se të lënduarit pas ndihmës së parë mjekësore në QKMF-në e Shtimes janë dërguar në Qendrën Emergjente në Ferizaj.
“Sot , rreth orës 14:50 në aksin rrugor Ferizaj-Shtime, në saktësisht në hyrje të Shtimes ka ndodhur një aksident komunikacioni ku janë përfshirë dy automjete furgon. Veç dëmeve të shkaktuara materiale, (njërin automjet e ka kapluar flaka) pesë persona kanë pësuar lëndime trupore, të cilët pasi kanë marrë ndihmën e parë në QKMF-Shtime, për tretman të mëtutjeshëm mjekësor janë dërguar në Qendrën. Emergjente në Ferizaj”, ka thënë Veseli./teve1.info/.
