Komuna e Prishtinës ka njoftuar se njëri krah i rrugës “Agim Ramadani” do të mbyllet për qarkullim nga e shtuna (19 prill) deri të hënën (21 prill).
Sipas njoftimit kjo do të bëhet për shkak të punimeve rehabilituese që thuhet se janë të domosdoshme pas dëmtimeve të shkaktuara nga automjetet me peshë të rëndë.
Gjatë vikendit bëhet e ditur se do të ketë punime gjatë gjithë ditës, ndërsa ditëve të javës punimet do të realizohen gjatë natës, nga ora 19:00 deri në 07:00.
“Gjatë kohës së punimeve priten vështirësi në qarkullim në këtë segment rrugor, andaj rekomandojmë përdorimin e rrugëve alternative. Punimet janë planifikuar në mënyrë që të minimizohet ndikimi në trafik, duke u zhvilluar kryesisht gjatë orëve të natës dhe ditëve të vikendit. Faleminderit për mirëkuptimin”, thuhet në njoftim.
