Pagesën për qëndrimin në parkingun e QKUK po e bënë.
Por, këtë të martën me një shifër 50% më të ulët.
Krejt kjo pas vendimit të Qendrës Klinike Universitare të Kosovës për uljen e tarifës.
Tashmë qytetarët për një orë qëndrim në ambientet spitalore do të paguajnë 50 centë, nga 1 euro që sa u ngrit së fundmi.
E këtë lajm e mirëpriten qytetarët.
“Po normal çdo ulje për qytetar është e mirëseardhur.. Po normal që ndikon në QKUK nuk ka kush që vjen për qef, po këtu nevoja të bjen.”, ui shpreh një qytetar.
”Vendim i mirë, shumë me vend është”, u shpreh qytetari tjetër.
“Po qysh jo, jo neve po krejt kush vjen ja lehtëson punen.” , ka thënë edhe një qytetar.
Më së shumti këtij lajmi ju gëzuan familjarët e pacientëve.
“S’ka ma mirë që u bo, se ka shumë pacienta jo hin jo del, jo sjelle prindin shumë mirë u bo… Na nevoitet neve gjithëve, sidomos unë kam qenë gjithë javen me vajzen këtu edhe shumë mu ka lehtësu ma tepër”, ka thënë tutje nj qytetare.
Nga QKUK thonë se vendim u mor me qëllim të lehtësimit të barrës financiare për pacientët.
“Ju njoftojmë, se Bordi Drejtues i Shërbimi Spitalor dhe Klinik Universitar i Kosovës (ShSKUK), në mbledhjen e mbajtur më 27.02.2026, ka miratuar ndryshimin dhe plotësimin e Rregullores Nr. 01/2026 për shfrytëzimin e parkingut në hapësirat e Qendrës Klinike Universitare të Kosovës (QKUK). Sipas vendimit të ri, tarifa e parkingut është 0.50 € nga 1 deri në 60 minuta, si dhe 0.50 € për çdo orë të qëndrimit (€/h). Ky vendim është marrë me qëllim të lehtësimit të barrës financiare për pacientët, familjarët dhe qytetarët që frekuentojnë QKUK-në”, thuhet në njoftimin e QKUK-së
Ky zvogëlim i tarifës, u bë pas ankesave të shumta të qytetarëve në fillim të muajit shkurt, kur hyrja në QKUK nga 50 centë u bë 1 euro.
