Përlotet kur flet për vendin e tij, Kosovën.
Të gjitha ngjarjet historike të shtetit më të ri në Evropë, profesori Nezir Ramosaj ka vendosur ti tregoj përmes pikturës.
E pa dyshim që në rrugëtimin e Kosovës, vend të veçantë zë Shqipëria.
Andaj pavarësia e saj, është një datë e shënuar për secilin shqiptar.
72 vjeçari që tashmë e gëzon pensionin, e ka hapur këtë ekspozitë për nder të 28 nëntorit në Pallatin e Kulturës, Jusuf Gërvalla në Deçan.
E pjesë të kësaj ekspozite janë edhe pikturat e figurave historike si Skëndërbeu, Isa Boletini e ushtarë tjerë të Ushtrisë Çlirimtare të Kosovës.
Ai thotë se nuk do të ndalet duke punuar, se vetëm kështu vjen e mira për të gjithë qytetarët.
Ekspozita e tij do të jetë e hapur deri në ardhjen e mërgimtarëve, në fund të dhjetorit.
