Përfaqësuesja e Brazilit do të jetë pa yllin kryesor në turneun “Copa America” të vitit të ardhshëm. Sulmuesi Neymar nuk do të mund ta ndihmoj Brazilin në këtë turne, i cili do të mbahet prej datës 20 qershor deri më 14 korrik të vitit të ardhshëm në SHBA.
Edhe te Brazili e kanë konfirmuar mungesën e Neymarit, i cili për shkak të lëndimit nuk do të jetë në gjendje të rikthehet në fushë deri në muajin gusht të vitit të ardhshëm. Ai u lëndua në muajin tetor derisa ishte në grumbullim me Përfaqësuesen e Brazilit.
Neymar dëmtoi ligamentin e gjurit, ndërsa në nëntor iu nënshtrua operimit dhe tashmë është në fazën e rehabilitimit që do të jetë shumë e gjatë.
Neymar, i cili është pjesë e ekipit nga Arabia Saudite, Al-Hilal është golashënuesi më i mirë i Brazilit. Ai ka shënuar 79 gola në 128 paraqitje. Brazili është pjesë e Grupit D në Copa America, së bashku me Kolumbinë e Paraguain.
