Brazili e ka ftuar tinejxherin Endrick për ta zëvendësuar Neymarin për ndeshjet kualifikuese të Botërorit këtë muaj, pasi sulmuesi i Santosit ka lëndim muskulor.
Neymari ishte afër të rikthehej te përfaqësuesja braziliane pas 17 muajsh mungesë shkaku i lëndimit të gjurit.
Ai ishte lënduar rëndë në gju në tetor të vitit 2023 në ndeshjen ndaj Uruguait.
33-vjeçari tani do të ketë tjetër ndalesë dhe nuk do të paraqitet për duelet ndaj Kolumbisë dhe Argjentinës në kualifikime.
Neymari u kthye te klubi i fëmijërisë nga Al Hilali i elitës së futbollit të Arabisë Saudite dhe i ka realizuar tri gola e po aq asistime në shtatë paraqitje në elitën braziliane.
Neymari ka 128 paraqitje për Brazilin, ndërsa e mban rekordin si golashënuesi më i mirë me 79 gola, dy më shumë se Pele.
Selektori Dorival Jr po ashtu ka ftuar Lucas Perrin dhe Alex Sandron si zëvendësues të Edersonit dhe Danilos.
18-vjeçari Endrick ka 28 paraqitje me Real Madridin në të gjitha garat dhe i ka shënuar gjashtë gola.
Me Brazilin ka 13 ndeshje të luajtura dhe tri gola të shënuar.
