Erdhi me pranga në duar, bashkë më vëllanë e tij, që gjenden në një aktakuzë të përbashkët.
Seanca e së mërkurës, pati fokus Nexhat Vllasaliun, i cili dha mbrojtjen e tij.
Ai u ballafaqua me palën e dëmtuar.
Nga avokati i familjes Rexhepi, Nexhat Vllasaliu u sfidua me deklarata të dhëna ndryshe në polici e prokurori, e ndryshe përgjatë gjykimit.
Avokati Berisha, kërkoi sqarime nga Nexhat Vllasaliu për bisedën që ky e kishte bërë me vëllanë e tij, Jetonin, ditën kur u gjet trupi i pajetë i Bedri Rexhepit.
Sipas aktakuzës, pas vrasjes së Bedri Rexhepit, trupin e tij Jeton dhe Nexhat Vllasaliu e kishin mbështjellë me perde të shtëpisë së këtij të fundit.
Por, kur avokati Berisha e pyeti rreth kësaj, Nexhati tha se nuk ka njohuri.
Përgjatë seancës, Vllasaliu insistoi se nuk është i përfshirë në këtë vrasje.
Ky shqyrtim do të vazhdojë edhe në muajin prill.
Nexhat dhe Jeton Vllasaliu, akuzohen se nga 9 janar 2021 deri më 8 prill 2021, në bashkëkryerje kishin filluar planifikimin për të privuar nga jeta të dëmtuarin Bedri Rexhepi, me qëllim të fitimit të dobisë pasurore.
Të njëjtit, po ashtu ngarkohen me veprën penale “Dëmtim i varreve apo kufomave”.
