Newcastle Unitedi ka rritur ofertën për sulmuesin Benjamin Sesko pasi Leipzigu ka refuzuar ofertën e parë të ekipit nga Premier League.
Mësohet se Newcastle tani ka ofruar 80 milionë euro për sulmuesin nga Sllovenia dhe marrëveshja mes klubeve pritet të finalizohet këtë javë, pasi kjo është shuma që Leipzigu po kërkon për kartonin e Seskos.
22-vjeçari është njëri prej sulmuesve më të vlerësuar në Evropë, ndërsa me Leipzigun ka kontratë deri në verën e vitit 2029.
Ai iu bashkua Leipzigut në verën e vitit 2023 dhe në 64 ndeshje të luajtura në total në Bundesligën e Gjermanisë, ka shënuar 27 gola dhe ka bërë 7 asistime.
Te Newcastle, 22-vjeçari do ta zëvendësojë suedezin Alexander Isak, i cili pritet të transferohet te skuadra e Liverpoolit.
