Kjo lëvizje pritet të prekë të paktën 100 milionë shikues.
Burimet e afërta thonë se ka ardhur koha që Netflixi të luftojë kundër numrave zhgënjyes të abonentëve. Shpërndarja e fjalëkalimit i ka kushtuar kompanisë shumë abonentë, tha një burim i njohur me këtë çështje për Wall Street Journal (WSJ).
Bashkë-themeluesi i Netflixit, Reed Hastings u tha drejtuesve të lartë në një mbledhje kompanie se ndarja e fjalëkalimit ka vazhduar për shumë gjatë.
Tani 100 milionë njerëz që huazojnë fjalëkalime përballen me mungesën e shfaqjeve të tyre të preferuara në platformë, megjithëse burimet i thanë WSJ-së se Netflix ka të ngjarë ta nisë ndalimin me kujdes, sepse ka frikë nga një reagim.
Politika e saktë dhe mënyra se si do të zbatohet mbetet e paqartë, por kompania pritet të përdorë adresat IP për të gjurmuar ndarjen e fjalëkalimit dhe ta mbyllë atë, përveç nëse konsumatorët dëshirojnë të paguajnë një tarifë shtesë për të ndarë fjalëkalimin.