Kryeministri izraelit, Benjamin Netanyahu e vlerësoi të hënën Presidentin e SHBA-së Donald Trump si “mikun më të madh që Izraeli ka pasur ndonjëherë në Shtëpinë e Bardhë”.
“Asnjë president amerikan nuk ka bërë më shumë për Izraelin, dhe siç thashë në Uashington, nuk është as afër. Nuk është aspak e krahasueshme”, tha Netanyahu në Knesset (parlamenti) në prani të presidentit të SHBA-së.
“Mirë se vini në Izrael, në këtë ditë prekëse që do të gdhendet në historinë e popullit tonë, dhe ju, z. President, do të gdhendeni gjithashtu në historinë e popullit tonë”, i tha Netanyahu udhëheqësit të SHBA-së, citon Anadolu.
Fjalimi erdhi disa orë pasi grupi palestinez Hamas liroi 20 pengje izraelite sipas planit të Trump për t’i dhënë fund një lufte dyvjeçare izraelite në Rripin e Gazës.
Kryetari i Knessetit, Amir Ohana, e quajti gjithashtu Trumpin “mikun më të mirë që shteti i Izraelit ka pasur ndonjëherë” dhe “një gjigant të historisë hebraike”.
Që nga tetori i vitit 2023, sulmet izraelite kanë vrarë mbi 67,800 palestinezë në enklavë, shumica prej tyre gra dhe fëmijë, dhe e kanë bërë atë kryesisht të pabanueshme.
