Kryeministri izraelit, Benjamin Netanyahu do të qëndrojë në vizitë 4-ditore në Hungari pavarësisht një urdhër-arresti të Gjykatës Penale Ndërkombëtare(ICC) mbi akuzat për krime lufte në Gaza.
Hungaria që është edhe njëra nga themelueset e ICC-së, është teorikisht e detyruar të arrestojë dhe të dorëzojë këdo që i nënshtrohet një urdhër nga gjykata. Megjithatë, kryeministri, Viktor Orban e ka bërë të qartë se nuk do ta respektonte vendimin.
Netanyahu pritet të takohet me Orban në Budapest të mërkurën në mbrëmje. Detajet e programit të tyre të planifikuar janë kufizuar në një vizitë në një memorial të Holokaustit, raporton Al Jazeera.
Gjykata me bazë në Hagë ka kritikuar vendimin e Hungarisë për të kundërshtuar urdhërin e saj për Netanyahun. Zëdhënësi i gjykatës, Fadi El Abdallah, tha se nuk u takon palëve në GJNP që “të përcaktojnë në mënyrë të njëanshme drejtësinë e vendimeve ligjore të Gjykatës”.
Partia e Gjelbër Evropiane ka bërë thirrje që Netanyahu të arrestohet dhe të përballet me gjyqin e ICC.
CC lëshoi urdhra arresti pasi vlerësoi se kishte “baza të arsyeshme” për të besuar se Netanyahu dhe Gallant “me dashje dhe me vetëdije e privuan popullsinë civile në Gaza nga objektet e domosdoshme për mbijetesën e tyre, duke përfshirë ushqimin, ujin, ilaçet dhe furnizimet mjekësore, si dhe karburantin dhe energjinë elektrike”.
