Kjo për shkak të gjendjes së krijuar pas reshjeve të shiut.
Lajmin e ka bërë të ditur përmes një njoftimi për media, Komuna e Klinës.
“Duke e parë gjendjen e krijuar si pasojë e reshjeve të vazhdueshme të shiut, ku në disa fshatra qarkullimi është vështirësuar në masë të madhe, Drejtoria Komunale e Arsimit, në konsultim me drejtorë të shkollave dhe prindër, ka vendosur që nesër, ditë e premte, të mos mbahet mësim në shkollat e komunës së Klinës”, thuhet në njoftim.
Sipas kësaj komune, vendimi është marrë për shkaqe të sigurisë së nxënësve.
“Vendimi është marrur për shkaqe të sigurisë së nxënësve, ndërsa për hapat tjerë do të informohen drejtorët e shkollave”, thuhet më tej në njoftimin e Komunës së Klinës. /Teve1.info/
