Kompania Rajonale e Ujësjellësit “Gjakova” ka njoftuar se gjatë ditës së martë do të realizohen punime teknike në rrjetin e ujësjellësit, çka do të shkaktojë ndërprerje të përkohshme të furnizimit me ujë të pijshëm në disa zona rurale të Komunës së Gjakovës.
Sipas njoftimit, furnizimi me ujë do të ndërpritet nga ora 12:00 deri në 15:00. Fshatrat që do të preken nga kjo ndërprerje janë Palabardhë, Dobrigjë, Novosellë e Ulët, Bitesh, Dujakë dhe Hereq.
Nga kjo kompani bëhet e ditur se arsyeja e ndërprerjes lidhet me punimet për zhvendosjen e një pjese të gypit të ujësjellësit në fshatin Palabardhë.
KRU “Gjakova” u ka bërë thirrje banorëve të këtyre zonave që të furnizohen me ujë paraprakisht dhe ka kërkuar mirëkuptim për shqetësimet e mundshme gjatë kohës së punimeve.
